Budaya Madura : Daerah Tapalkuda
Daerah Tapalkuda èngghi panèka daerah hunian Orèng Madhurâ è pasèsèr ḍâjâ sareng tèmor è Jhâbâ Tèmor akadhi Probolinggo, Situbândâ, Bândâbâsa, Jember, Lomajhâng, jhughân Bânyuwangi. Neng Daerah Tapalkuda ghâpanèka orèng Madhurâ ampon oḍi’ toron-binoron ngabiḍhi abad XVIII. Ènalèka ghâpanèka neng Songennep èparènta sareng Bhindhârâ Saot, èngghi panèka è taon 1749. Marèntana Bhindhârâ Saot, marghâ salèrana èkaraka sareng Dhin Aju Rasmana sè è bâkto ghâpanèka aghântè almarhum rakana, èngghi panèka Radhin Tirtonegoro, mènangka bhupatè Songennep. Sa’amponna Bhindhârâ Saot èkaraka Radhin Aju Rasmana, salèrana sareng Kompennè Bâlândhâ èyangkat ngadhek bhupatè Songennep neng taon 1750, lajhu ajhâjhuluk Tumenggung Tirtonegoro. Namong bânnya’ kaom nèngrat ta’ saroju’ marghâ Bhindhârâ Saot èyangghep bânnè toronan nèngrat, èyangghep orèng dhisa.
Mèlana kaom nèngrat Songennep sè ta’ saroju’ ghâpanèka lajhu ngallè ka daerah sè samangkèn èsebbhut Daerah Tapalkuda ghâpanèka. Kaom nèngrat ghâpanèka jhughân abhâkta bânnya’ maghârsarè mènangka ra’yattèpon. Salaèn ghâpanèka, bânnya’ jhughân rèng-orèng sè noro’ buntè’ ngallè ḍâri kennengngan la̩ ènna è Madhurâ. Rèng-orèng bhuru aengghun è kennengngan sè anyar ghâpanèka lajhu noronnaghi orèng Madhurâ sè bâḍâ samangkèn è Daerah Tapalkuda kasebbhut. Salaèn ghâpanèka bâḍâ jhughân kebijakan Bupati Mekkasân sè asmana Radhin Abdul Jâbbâr Kertomiprojo neng taon 1922 alèllanè ra’yaddhâ ngallè jhughân ka Daerah Tapalkuda, sareng kottha-kottha palabbhuwân è polo Jhâbâ akadhi palabbhuwân Tanjung Perak, Palabbhuwan Semarang, sareng Tanjung Priok (Pamekasan dalam Sejarah, 2006). Sè sapaneka èyarep nyopprè ra’yaddhâ bhuru ngaollè kaoḍi’ân sè langkong saè katèmbhâng neng kennengngan asalla è Madhurâ.
Rèng-orèng sè kaèdhi ngallè bhuru marghâ è Madhurâ ta’ ghâḍhuwân tana ka’angghuy atanè, namong ngala’ dherrebbhân otabâ ngala’ ombhâlân ka orèng sè anḍi’ tanè. Bânnè namong ngallè ka Daerah Tapalkuda mènangka tokang sè ngala’ dherrebbhân è persèl bhâko, ettè, otabâ kopi bisaos, nangèng bânnya’ jhughân sè nyarè kasap è palabbhuwân Jhângkar è Panaroghân, Tanjung Tembaga è Probolinggo, Ketapang è Bânyuwangi kantos samangkèn katoronanna rèng-orèng ghâpanèka bânnya’ sè è Daerah Tapalkuda dhâddhi rèng tanè. (ASAS, 2015 Madura dalam sebuah potret)
Daerah Tapalkuda èngghi panèka daerah hunian Orèng Madhurâ è pasèsèr ḍâjâ sareng tèmor è Jhâbâ Tèmor akadhi Probolinggo, Situbândâ, Bândâbâsa, Jember, Lomajhâng, jhughân Bânyuwangi. Neng Daerah Tapalkuda ghâpanèka orèng Madhurâ ampon oḍi’ toron-binoron ngabiḍhi abad XVIII. Ènalèka ghâpanèka neng Songennep èparènta sareng Bhindhârâ Saot, èngghi panèka è taon 1749. Marèntana Bhindhârâ Saot, marghâ salèrana èkaraka sareng Dhin Aju Rasmana sè è bâkto ghâpanèka aghântè almarhum rakana, èngghi panèka Radhin Tirtonegoro, mènangka bhupatè Songennep. Sa’amponna Bhindhârâ Saot èkaraka Radhin Aju Rasmana, salèrana sareng Kompennè Bâlândhâ èyangkat ngadhek bhupatè Songennep neng taon 1750, lajhu ajhâjhuluk Tumenggung Tirtonegoro. Namong bânnya’ kaom nèngrat ta’ saroju’ marghâ Bhindhârâ Saot èyangghep bânnè toronan nèngrat, èyangghep orèng dhisa.
Mèlana kaom nèngrat Songennep sè ta’ saroju’ ghâpanèka lajhu ngallè ka daerah sè samangkèn èsebbhut Daerah Tapalkuda ghâpanèka. Kaom nèngrat ghâpanèka jhughân abhâkta bânnya’ maghârsarè mènangka ra’yattèpon. Salaèn ghâpanèka, bânnya’ jhughân rèng-orèng sè noro’ buntè’ ngallè ḍâri kennengngan la̩ ènna è Madhurâ. Rèng-orèng bhuru aengghun è kennengngan sè anyar ghâpanèka lajhu noronnaghi orèng Madhurâ sè bâḍâ samangkèn è Daerah Tapalkuda kasebbhut. Salaèn ghâpanèka bâḍâ jhughân kebijakan Bupati Mekkasân sè asmana Radhin Abdul Jâbbâr Kertomiprojo neng taon 1922 alèllanè ra’yaddhâ ngallè jhughân ka Daerah Tapalkuda, sareng kottha-kottha palabbhuwân è polo Jhâbâ akadhi palabbhuwân Tanjung Perak, Palabbhuwan Semarang, sareng Tanjung Priok (Pamekasan dalam Sejarah, 2006). Sè sapaneka èyarep nyopprè ra’yaddhâ bhuru ngaollè kaoḍi’ân sè langkong saè katèmbhâng neng kennengngan asalla è Madhurâ.
Rèng-orèng sè kaèdhi ngallè bhuru marghâ è Madhurâ ta’ ghâḍhuwân tana ka’angghuy atanè, namong ngala’ dherrebbhân otabâ ngala’ ombhâlân ka orèng sè anḍi’ tanè. Bânnè namong ngallè ka Daerah Tapalkuda mènangka tokang sè ngala’ dherrebbhân è persèl bhâko, ettè, otabâ kopi bisaos, nangèng bânnya’ jhughân sè nyarè kasap è palabbhuwân Jhângkar è Panaroghân, Tanjung Tembaga è Probolinggo, Ketapang è Bânyuwangi kantos samangkèn katoronanna rèng-orèng ghâpanèka bânnya’ sè è Daerah Tapalkuda dhâddhi rèng tanè. (ASAS, 2015 Madura dalam sebuah potret)
0 Response to "Budaya Madura : Daerah Tapalkuda"
Post a Comment